‘n Maklike braai-ontbyt wat beslis maagies vol sal maak.

Bestanddele:

Tamaties & Uie Konfyt

• 2 uie, fyn gesny
• 2 knoffelhuisies, fyn gekap
• 1 eetlepel (15 ml) botter
• 6 vars, ryp tamaties
• ½ koppie (125 ml) wit suiker
• 2 eetlepels (30 ml) appelasyn
• 1 teelepel (5 ml) sout
• 1 teelepel (5 ml) gerookte paprika

Om die Sliders te Bou

• 4 beesburgerpatties
• 4 Engelse muffins, middeldeur gesny, gebotter en gerooster
• 1 pakkie streaky spek, gaar gemaak
• 4 eiers, gebraai sunny-side up
• 4 snye cheddarkaas
• 1 koppie (250 ml) tamatie- en uiekonfyt

Metode:

Tamaties & Uie Konfyt

1. Bring ‘n pot water tot kookpunt.
2. Sny ‘n X aan die onderkant van elke tamatie. Wanneer die water kook, blansjeer die tamaties totdat die skil begin oplig.
3. Haal die tamaties met ‘n gaatjieslepel uit en plaas in ‘n yswaterbad om die kookproses te stop.
4. Verwyder die skille, gooi dit weg en kap die tamatievleis fyn.
5. Smelt die botter in ‘n pan oor lae hitte; voeg die uie by en braai tot goudbruin, ongeveer 15 minute.
6. Voeg die gekapte tamaties, suiker, asyn, sout en paprika by. Roer goed deur en bring tot kookpunt.
7. Verlaag die hitte en laat prut terwyl jy af en toe roer, totdat die tamaties opgebreek het en die konfyt verdik het.
8. Haal van die hitte af en bêre in ‘n skoon glasbottel met ‘n deksel.

Sliders Bou

1. Vorm die beesvleis in 8 kleiner, slider-grootte patties.
2. Braai in ‘n pan oor die vuur of direk op die rooster tot gaar na jou smaak.
3. Plaas ‘n beesvleispatty op die onderste helfte van ‘n geroosterde Engelse muffin.
4. Voeg spek, ‘n eier en ‘n sny cheddarkaas bo-op elkeen.
5. Skep ‘n eetlepel of twee tamatie- en uiekonfyt bo-oor.
6. Plaas die boonste helfte van die muffin bo-op en geniet!

Bedieningsvoorstel:

Voeg ‘n blikkie gebakte bone by vir ‘n voedsame ontbyt.